LAWT PRU LU NA

Grup grup de n'na n'gun kaba hte htu matep dip gamyet apyet tawn ai
> kaw na,baw sumhpa hpan hkum hkra ladat hkum hkra hte sharu shatsang
> duhka jaw tawn nga ai kaw na myit mada shara kachyi sha re ninghtoi
> hkuwat kaw na pat tawn ai ningsin chyinghka  kaw na kara hku matep pru
> lu hkra shakut na rai ta?myit mada shara kachyi mi sha nga ai kaw na
> htu malawk pru lu na matu gaw kaba dik ai ja dik ai myit atsam marai
> rai nga ai hte ja dik  ai arang kaba gaw annau ni a lata lahpum n'gun
> atsam rai nga ai.htauli htaula myit shen shachyaw maram masing jahkrat
> ai gaw annau ni a kamhpa tawn ai pandung hpe shading sharai ya ai lam
> rai nga ai.
>                    Kaning rai nna kabai kau sai maza hpe ja tai hkra
> kara hku galaw na, lu nga ai hkying ten hpe manu shadan chye nna n'gut
> n'dawt n'tsam  ai myit hpe shaja nna shawng de gwi gwi ganawt sa wa
> yang teng awmdawm lawt lu ai de du na re.tengman Tara ai n'gang kaba
> hpe ja ja jum tek lu yang teng shanglawt lu na, .Karai hte rau rai nga
> yang hpa hkrit tsang naw ra na ta?
> dai ni annau ni Ra kaba rai yang she shakum gumba n'gang hku Karai hpe
> jai lang shaga nga ga ai gaw myit tsang hpa n'gam,pat tawn ai
> chyinghka rai nga ai.machyi makaw hkrum wa jang she karai wa e,duhka
> jamjau hkrum wa jang she Karai e,matsan tsin yam hkrum wa jang she
> Karai Wa e nga,lu sha shahpa n'lu jang she karai wa e nga ra jang she
> karai wa hpe shaga nna n'ra jang makau kaw tawn kau chye nga ga ai
> ngai hte yup tim rawt tim , yetsha tsun tim marawn shaga tim ten
> shagu nye kata kaw ngai hte rau sak hkrung nga ai gaw chyahtum chyalai
> n'gun rawng ai madu re ngu myit makun kamsham yang ten shanglawt gaw
> hpawt ni jang lu chyalu re.lu ra na sha re.duhka arang bang tawn ai
> kaw na annau ni rau sha lawt pru wa ra sai.
>                    Up hkang  Ritkawp Tara  langai a kata n'pu kaw
> masha madang hkum hkra, masha utsang hkum hkra rau lam langai de
> masing langai de lata gindun nna sa lu na matu, mayak mahka duhka
> jamjau myithki litli n'shu n'shang,aput angun angik angawk lahkyit
> lahkyawk atin abu n'ru 'n'ra kabawng kachyawng law law hpe rau hkam
> sharang nna myit galu kaba hte chyena chyetau ai myit ,magam myit madu
> myit hte rau sa wa yang teng shanglawt gaw kade nna yang lu chyalu
> re.uhpung uhpawng hte sa ai kaw Tara Ripkawp gaw kara hku mung kachyi
> mi mung n'mai shayawm ai.Tara shaja ra ai.law dik ai mayak kaba kata
> kaw na annau ni hpe arang kaba bang n'na hkam sharang dik ai hte myu
> sha a lawt lam hta share shagan shakut shaja ap nawng woi awn ya nga
> ai ningbaw ningla hpyen ma kaji kaba yawng hpe nachying chyeju dum
> shakawn shagrau kamhpa dik nga ga ai.
>                     Moi de myen gaw makau grup yin mungdan htingbu
> htingbyen ni hpe grai chye dum, grai lak dum, grai byin dum grai
> gawngba dum rai, n'san seng dik ai myit jasat hte mayun mayoi masu
> magaw mawlu mawsha,maklu maksha da shatawt galaw sha lai wa sai hpe
> makau grup yin htingbu htingbyen mungdan ni gaw myu kaba la kaba myit
> jasat hte chye nga ninglen sharang shalai kau ya lu sai re tim nau
> ladu shalai wa ai majaw dai ni gaw makau grup yin ni hpaga yumga ni
> hte hpaji n'htang jaw nga sai re.moi gaw hpa ra tim kawa di miwa kaw
> kagat gat re ya gaw miwa mung Mali hka madim bai galaw lu hkra hte
> yenan Gas dumlawng shimlum ai hte lu shalai hkra KOI/KIA ni hpe lawan
> shazim ya nga aming kaba jahkrat jaw sai re.pale palau sadi n'dung ai
> myen gaw miwa hpe udi htingba tawn tawn mayu sai kumla shapru mayu ai
> majaw hkangkawp tai n'hkrit sinna hprande marit shamai lu na matu uhka
> shayi, sinna ni grai tsaw ra ai Aung san kaw a bahkang matu gang nna
> sinna shanhpraw brang ni a myit masin hpe gang ashun lu hkra galaw
> mayu ai raitim, lapran htinglek sakse tai ya na matu ra nga ai majaw,
> kaya n'su Thai tsawm shayi Yinnat sanawat a bahkang matu gang shaja
> hkyen la rit law da.raitim sinna brang ni hte htingbu miwa kala gaw
> yawng jaw na yawng karum ya na tim n'dai naw shawng galaw u nga aming
> kaba jahkrat tawn sai.
> 1-Mali hka madim ninghkap.
> 2-Htawng rawng masha dat ya na ninghkap.
> 3-Yenan Gas ninghkap.
> 4-Bungli galaw masha ninghkap.
> 5-Wan shadaw ninghkap.
> 6-Lamu ga zing madu ninghkap
> 7-Myu bawsang ninghkap.
> 8-Araken makam masham myu ninghkap.
> 9-Simsa lam ningra ninghkap.
> 10-matsan masha ninghkap.
> 11-Tara jeyang ninghkap.
> Ndai zawn ninghkap garu nga ai hpe shazim lu yang nanhte ra ai yawng
> jaw na re.anhte gaw sadi dung ai.
> Ya ndai lam ni shi manyi simsa wa lu na matu nrau n'htau masu manaw
> garan ginhka hkawm nga ma tim ahkyak hta pausi di byin nga ai gaw hpa
> majaw ta?
> Simsa kasa shangun ma Aung min wa sahka she gama jitsi she kahte
> bahkang she dusat hkrang she gale tat hkra shakut hkawm tim shani tup
> gatek tim di gaw langai sha rai nga ai hpa majaw ta?
> Hpung shagu hpe garum hpyi,Num hpung hpe mung ga saw, 88 jawng ma ni
> hpe mung hpaji hpyi, ya kalang bai Thein sein wa 88 jawng ma ni hte
> hkrum na da oi? hpa majaw ta?
> Sinna brang ni gaw lahta na lam yawng simsa hkra galaw sai kun da?
> Miwa mung nye hka galoi wa na, yenan Gas dumlawng galoi lu lai na,mali
> hka madim bai galaw na sai.n'hprang rai galoi hkrat lu htu shaw na,
> nanhte hte hpaga arang bang nna chyawm galaw ai ya hkang n'hkang nga
> sai.KIO/KIA hpe shamyit ya ngu ai ya kara kaw ta? nang tsun ai yawng
> galaw ya sai le nga jahkrit hkrum nga sai.
> Simsa lam lu na mung annau ni KIO/KIA kaw dang taw nga ai.myen sum
> kaba sum taw nga ai hte myiman kaji kaya hkrum taw nga ai kade majaw
> ta?annau ni gaw ya ten ahkyak dik ai bum pungding kaw kabye nga lu
> sai,hpyen masa n'mai shayawm ai.simsa lam gabaw n'mai dat ai.shara ra
> kaw du hkra annau ni shada kam hkra hte Miwa sinna dan makau grup yin
> htingbu htingbyen ni kam hkra myen hpe htu matsun hkindit shachyut kau
> ra sai gaw annau ni a awmdawm shanglawt na lam rai sai.
> Langai sha ngam tim myu tsaw mungtsaw sai n'mai shayawm ai.
> Ma ni a myiman hpraw ningsam hpe ja ja azi yu ga.
>
> Baren Numraw
> 27,07,2012.