Hpungtau ningnan ni hpe hkap tau la ga ai

Netherland mungdan du jinghpaw wunpawng myu sha ni a matu karai a lam..myu sha lam..wu hpung wu hpawng lam hta Grau Grau na Rawt jat wa na matu KCNL hpung hta e Hpungtau marai masum hpe bai shagrin la lu sa ga ai ..

Rev.Dr.marip larip kaw nna hpung tau ningnan ni hpe chyum laika sharin ya let lagaw Gashin ya ai hte hpung lam hta kangka sadi dung ai  Hpung tau marai 3 tai wa lu hkra  karai a man..shawa a man hta shaman dat ya sai hku re..

KCNL Num hpung ni a shamu shamawt lam

Lai wa sai 01-3-2015 ya shani na laban hta Netherland mungdan du Kanu num ni a chyum laika hti htai shingjawng poi lamang hpe galaw lai wa sai hku re..
shang lawm shingjawng mat wa ai kanu num ni hte sa du ngun jaw ya ai KCNL hpung masha ni yawng hpe chyeju dum nngai..

KCNL ni Belgium kaw ngun madun poi galaw

De/
Tsawra hkungga ai,

Jinghpaw shiga dap ni yawng ngwi pyaw hkam kaja nga mu ga!
Dai ni 19 January 2015 ya shani, Myen Hkring Mang Rung nga ai, Belgium mungdan Brussels mare kaba kaw nga ai Myen Hkring Mang Rung hta anhte Netherlands mungdan hta shanu nga ai Wunpawng myu sha ni kawn n-gun madun lata sharawt hpyi shawn ai lam hpe galaw la lu saga ai. Ndai lamang hta Mon, Rakhai, Sam, Kayin hpu nau ni hte NLD ni mung sa du shang lawm ai, yawng rai yang marai 51 tup re.

19 january shata hta roi rip sat hkrum ai, KBC a hpaji sasana Sarama yan a manghkang  hpe ya na Thein Sein asuya kawn teng teng man man lawan ladan sawk sagawn nhtawm, seng ang ai ni hpe ahkyak la ya na matu madung yaw shada let sa hpyi shawn ai re. 19 nov 2014, Laiza KIO hpyen du jawng hpe sinat kaba hte gap bun ai majaw, jawng ma 23 tup hkrat sum mat ai hpe mung lawan mahtai jaw hparan ya na matu.

Hpyen yan ni hpe mara kata rim zing-ri sat, htawng bang ai lam ni tsep kawp n galaw na matu hte, hpyen yen ni hpe garum jaw ai malu masha, arung arai ni hpe gashun mya la, lagu la ai ni n-galaw na, bai nna hpyen yen ni hpe garum la nga ai u-hpu u-hpawng ni hpe pat shingdang ai lam, dingbai ding-na jaw ai lam ni tsep kawp n galaw na matu. Mare masha ni hpe bawm tam jak, kaduk shingna hku nna jai lang ai lam ni tsep kawp n galaw na matu.

Dai ni byin nga ai majan mang hkang yawng gaw mung masa a majaw byin ai lam hkrai re majaw, mung masa lam hpe myit hpraw san seng ai hte woi hparan na matu.
UNFC hte NCCT kawn woi awn galaw sa ai lam ni yawng hpe anhte Netherlands du wunpawng myu sha ni yawng tsep kawp madi shadaw ai lam tang madun ai.

Dai majaw anhte Jinghpaw mungdaw, kachin sub-state hte kaga ethnic state hkan shara la, du jat ding yang rai nga ai Myen dap yawng hpe tsep kawp lawan dawp kau ya na matu.

Dai ni byin tai nga ai Myen munghpawm mungdan gaw anhte bum nga masha ni rai nga ai Kachin, Shan hte Chin myu sha ni myit hkrum lata masat htu ai Panglong ga sadi kawn hpang wa ai re majaw, Panglong ga sadi hpe manu shadan, rap ra ai tara hte jet ai munghpawm mungdan hpe chyawm gaw gap sa wa lu na matu ni hpe hpyi shawn lai wa sai re.


Shana ai,


Slg. Mwihpu Bawk San
Ningbaw KCNL (Kachin Community the Netherlands)

Shana dat ai

Tsawra hkungga ai KCNL nu wa hpung masha ni yawng hpang de,


Du wa na bat (19th February, 2015) Thursday shani KCNL ni Belgium mungdan, Brussels kaw na Myanmar Embassy kaw Myen Asuya hpe ning hkap n gun madun ai lam galaw sa wa na ga ai.

KCNL hku nna (51 seats) nga ai Bus lajang da ai hte malu masha gaw jahpawt grai jau pru na re majaw muk mari gun na, banana, apples, oranges, juice hte drinking water ni mari gun na hku lajang da ga ai. Lamang yawng ngut na bai wa ten kaw she KFC or McDonald's kaw yawng bai sha ga ngu mung lajang da ga ai law.

Yawng hte htung hkying bu hpun palawng hpe hpun lang ga.

Utrecht train station kaw masha yawng zup la n htawm shap da ai Bus hte rau sha pru wa na hku re. Aten hpe hkungga ga. Dutch ni nan Bus gawt sa ya na re majaw aten dep sa wa na matu lajing dat ga ai law.

Masha zup na shara       :  Utrecht train station ( Spoor 1, Bus 28 ( naar vleuten
                                        station) hte Bus 5, Majellapark bus stop ) ndai shara
                                         kaw Bus ni mai gan jahkring da ai majaw re.

Masha zup na a ten        : 8:00 am ( n hpang hkrat ai sha a ten dep sa
                                       wa ga.Bus gaw hpang jahtum (8:15 am) du hkra
                                       sha la ya na re

Naw kahtap chye mayu ai lam ni hte n sang lang ai lam ni nga ang yang Slg. Sai Mya Han hte ngai kaw bai matut mahkai wa marit law.

Hkungga let,

Amu madu

55 Lang na Rawt malan nhtoi galaw

Netherland mungdan du jinghpaw wunpawng myu sha ni mung 55 lang na rawt malan htoi hpe galaw lai wa sai hku re..sa du shang lawm mat wa ai KCNL hpung masha ni yawng hpe chyeju dum let

MON NATIONAL DAY HTA SHANG LAWM - KCNL

Lai wa sai 01-30-2015 hta Galaw lai wa sai Hpunau Mon myu sha ni a mon national day hta netherland du jinghpaw wunpawng myu sha ni mung sa du ngun jaw kanawn mazum ai lam galaw lai wa sai hku re...

sa du shang lawm mat wa ai KCNl hpung masha ni yawng hpe grai chyeju kaba sai lam tsun dat nngai law..

Yawn hkyen myit dum hkyu hpyi hpawng

Lai wa sai 01-19-2015 hta myen ni e roi rip zingri hkrum ai majaw asak ap nawng mat wa ai sara num yan a myit dum kyu hpyi lamang hpe KCNL hpung masha ni mung Ngam nga ai dum nta masha ni hte rau pu gang sin machyi let Myit dum hkyu hpyi lamang hpe galaw lai wa sai hku re..

HKUNG RAN POI LAMANG SAW SAHGA

Tsaw hkungga ai KCNL hpung masha ni yawng hpang de..du wa na february shata praw 8 ya hta anhte KCNL kaw shanu nga ai shd.zau awn naw hte shy.kai nu yan karai a man ,masha a man hta ngwi pyaw ai hkristan kun dinghku hpe gaw de sa wa na lamang hpe saw shaga dat nngai law..
KCNL hpung masha ni yawng dinghku nnan hpe sa du kabu shagrau la ga ngu ...

KCNL SHANING NING NAN HKAP

Netherland kaw du nga ai jinghpaw wunpawng myu sha ni mung 2014 hpe shakram kau da let 2015 hpe hkap tau ai lamang galaw lai wa saga ai..hkrum zup na yak hkak ai majaw ni nawn ai ni hkan zup let shaning ning nan hpe hkap  tau la lu sa ga ai..
matut na KCNL hpung masha ni yawng 2015 hpe ngwi pyaw ai hte hkawm sa lu u ga ngu myit dum kyu hpyi hkat ga...

2014 Ning na KCNL XMAS Lamang

Netherland mungdan hta shanu nga ai jinghpaw wunpawng myu sha ni yawng 2014 hta karai a chyeju a majaw ngwi pyaw ai aten hpe hkam la lu sa ga ai..2014 ning na xmas zawn 2015 ning na xmas hta mung yawng bai lu hkrum zup na matu akyu nga ga..
xmas lamang shani na sumla ni hpe slideshow galaw dat nngai..sumla dem ya ai Brang Myu seng hpe mung chyeju dum ai lam ndai shara kaw na tsun dat nngai law..

LAHTAW ZAU SENG A LABAU MAUMWI SUMLA HKRUNG

Anhte jinghpaw wunpawng myu sha ni hpe shang lawt woi hpyi shakut woi hpang wa ai du kaba Lahtaw zau seng a lam hpe labau hkai dan ai shara hta e KCNL kaw nna Jan maji prinan hte sara yamhpat maw she yan mung sa du madat la let tinang a myu sha lam hpe grau na chye na wa sai hte nchye shi ai myu sha ni hpe bai garan gachyen lu na matu hte ndai Video sumla hkrung hpe masat ding sat mara dat nngai law..

SAM SHANING NINGNAN LAMANG HTE YAWN HKYEN MYIT DUM LAMANG

Netherland mungdan du sam hpu nau ni a shaning ning nan lamang hta e Netherland du jinghpaw wunpawng myu sha ni mung sa du ngun madun let 11-19-2014 hta hkrat sum mat wa ai myu tsaw hpyen la ni a matu yawn hkyen myit dum lamang hpe mung galaw lai wa sai lam chye lu ai hku re..
Grau nna tinang du ai mungdan hta myu nbung tim makam nbung tim shada tsawra myit madun hkat let ngun tai wa hkra shakut nga ga..

YAWN HKYEN MYIT DUM LAMANG GALAW

Lai wa sai 11-19-2014 hta asak ap nawng mat wa ai myu tsaw hpyen la ni a matu yawn hkyen myit dum kyu hpyi lamang hpe netherland du jinghpaw wunpawng myu sha ni galaw lai wa sai hku re..
sa du shang lawm mat wa ai KCNL hpung masha ni yawng hpe chyeju dum ai..

Shiga

Potao Ginwang Ramma ni marai 200 jan dang 2012 ning October shata 12 ya shani ang ai ramma masat laban hta MachangBaw hkalup hpung Nawku Htung Nu hta Ginlung hpawng galaw ngut ai hte Machangbaw nawku jawng kawn nna myen asuya hpyen dap ni bai gram galaw kau sai n lung baren de lam hkawm sa du ngun madun  ai lam chye lu ai.
Nawku jawng kaw nna Ramma lam hkawm sa ai hta myu sha dawng hkawn ni hpe hpai let  hkawm sa wa nna nlung baren hta du jang mung Myu sha mahkawn hpe hkawn nna  ramma ni yawng  “ ndai n lung baren kade na”  “ Anhte na, Anhte Kachin ni na” nga nna jawng jahtau mat wa ai hpe mung chye lu ai.
Ndai Nlung baren gaw wunpawng myu sha ni the sha seng ai  labau shang ai shara langai re ai sha nra  ndai nlung baren maumwi mung wunpawng myu sha ni hta sha nga ai mauwmi re.
Ndai nlung baren gaw wunpawng myu sha ni a labau mauwi hta Gaida jan gaw hka makau kaw kashu hpe tawn da nna rai hkrut nga yang Lapu Kaba wa gaw dai kashu hpe sha kau ya ai majaw Gaida jan mung Mu achye na matu matsa dat ai. Dai hpang Gaida jang matsa ai hte maren Dai Lapu hpe Ya nlung baren nga ai shara hta e Mu achye kau ai re lam htung hkring salang ni kaw na tsun ai.
Raitim mung Ndai nlung baren hpe Myen asuya hpyen dam ni kaw nna shatsawm na nga nna 2014 july shata kaw nna hpang nna Nlung baren hpe baw shakap, Marung shakap ai sha nga tsi ni mung yawng chya kau sai re.
Dai hpe Potao rudi masha ni yawng gaw ya na zawn bai gram kau ai hpe nra ai the mi nga ai hku sha bai galaw da ya na matu ra sharawng nga ma ai hpe majaw machyang baw  htung hkring ni mung  ya na zawn galaw ai hpe bai jahkring ya na matu myu naw up hkang du ni kaw laika sa da sai re.
Raitim mung hpa ahkrak la ai lam nnga ai sha Ya aten hta gaw yawng galaw ngut mat wa sai sha n-ga dai nlung baren makau na budha para hpe mung ja jawng (ေရႊထီးေတာ္) mara kau sai lam hpe shiga na lu ai.
Ndai nlung baren hpe ndai hku gram kau ai a majaw  wunpawng sha ni kaw nga ai mawmi gaw shut mat nna n dai nlung baren mauwi gaw myen ni a mauwi sha rai mat sa  na re nga nna rudi masha ni yawng tsang taw nga ma ai hpe mung chye lu ai.

Chyeju dum poi laban ( KCNL )

Lai wa sai  2-11-2014 ya shani hta gaw KCNL mungdan kaw shanu nga ai jinghpaw wunpawng myu sha ni a Chyeju dum poi masat laban hpe galaw lai wa sai .dai ni nang na chyeju dum poi hpe gaw laklai ai hku na ( Hkang ) (Karen ) ni hte gaga hpu nau ni yawng sa du shang lawm let kabu gara karai hpe chyawm shakawn lai wa sai...
Karai jaw da ai Chyeju ni kaw na Dangdi ai ram karai hpe Chyeju shakawn ai KCNL hpung masha ni a ntsa karai shaman ya u ga..
KCNL chyeju dum poi na shamu shamawt sumla nkau mi..

KCNL NI KUTKAI IDP HPE GARUM

Netherland mungdan kaw shanu nga ai jinghpaw wunpawng myu sha ni kaw nna dang di dang dep ai ram tsinyam hkrum nga ai Kutkai hpyen yan dabang de garum ai lam galaw ai majaw yawng a ntsa karai grau na shaman ya u ga..

Yawng sen 13 garum dat ai hpe kutkai IDP lit hkam a lata kaw du hkra shalai dat ya sai lam hpe masat dingsat hte rau KCNL blog kaw matsing da sai hku re..

Majan byin 3 ning ninghkap masat

Lai wa sai June 9 ya nhtoi hta Netherland mungdan du jinghpaw wunpawng myu sha ni mung Majan byin 3 ning hpring ninghkap ai masat dingsat hpe Kyu hpyi let galaw lai wa sai hku re..grai yak hkak ai kaw na ndai lamang byin tai hkra shang lawm garum ap nawng ai KCNL hpung masha ni yawng hpe chyeju dum let...

SHANA DAT AI..

De,

Tsawra ai Wunpawng Mungdan Mung Shawa ni:

Masat ( 4 ) Dap Ba Hpyen Tsi Rung a matu ndai sumla kaw mu lu ai portable x-ray jak ra ai lam chye lu.

Machyu pala shaw ai hta grai ahkyak ai hku sung lang mai ai jak rai nga ai. Miwa gumhpraw Yuan 60,000 rai yang set hkum hkra lu mai ai. Yawng mi rai rai, tinang dang di lu ai kau chyen mi rai rai, garum la mayu ai hpu nau ni nga yang chyeju hte matut mahkai wa marit.

Shana ai,

Hkun Htoi

NU NUM NI A NGUN-BAN HPAWNG ( 2014 )

Netherland mungdan kaw shanu nga ai kanu num ni a ngun-ban hpawng hpe lai wa sai 3-5-2014 bat hpang 6 ya shani hta e angwi apyaw galaw la lu saga ai..Sa du shawng lawm ai ni yawng hpe Chyeju dum let..