Shagun Laika

Mayak lam a myu myu kaw na lawt pru gale lu hkra, mang hkang law law kaw na dip pru lu hkra,
mungkan na asuya langai hku masat lu na mu lu hkra hte 2014 ning ASEAN ning baw tai lu hkra hte mung shawa hte baw sang ni hpe mwi moi dingsa de bai woi nhtang madun ai ladat de yawng lu hkra 20008 ning gaw da ai shanhte tara grin lu hkra myen a mung masa shachyai ai hta jai lang gan saw -asung jashaw madun hkrum ai Awng san su chyi,hpa majaw ndai hku mu lu ata? nga yang

NLD paty hku saw shaga ai nre,dinghkrai masa hku saw shaga ai,bai NLD paty mung tara shang tsap lu na
lam n-nga sai,myen hte NLD yan a mayak hpe shada da chye na gin len lu hkra, shada da a mayak kaw na pru lu hkra mahtai langai hta a myet la ai lam,chyawm tam ai lam sha re. shaning 60 shi ning jan namhkan jung taw sai,numji chyap kap nga sai hte mya sha gashun sha masu magaw, adip arip jahkrit shama sha ai kaw pyaw nga sai,yin lu nga sai,nam chyim namta chye nga sai hte anhte baw sang Rudi ni hpe du manat shakret nna myu kaba ladat hte gawngba nga ai myen gum shem gaw nhprang  sut rai hkum ai dwi sau mu ai anhte lamu ga hpe loi loi hte tinang ga hkrum shada up shangun na n re.

Bai annau ni yawng a n-gun kaba rai nga ai hte hpaji hkum hkum chye ai, myen a magra jum tek nlu ai,lawt nga ai shara kaw na maigan du myu sha ni hpe ashun gara lu hkra hte,madi shadaw langai run kau lu hkra mung ladat shaw nga ai., maigan kaw du nga ai myen ni hpe mung marum yu ra nga sai.mala hka hkra ladat kaba 1 dat bang sai.

Pang lung sadi hpyen ai shani kaw na myen asuya gaw kade lang ningbaw kalai hkrang kalai tim,anhte bawsang ni hpe gasat na ndau sai re, hpa majaw mung up kanu kawa tai ai teng yang tinang kasha ni hpe gap sat na, tinang kasha ni a shat gashun sha mayu na ta? shim lum hkra makawp maga lam n-nga ai hta n-ga tinang nan sat shamyit nga ai gaw,simsa lam la nga na sha nmai sai. Awm dawm shang lawt nlu dingsa gasat ra sai,langai sha ngam tim share shagan ai hte gasat ga. maza law law sha hkrum nga sai hpun gaw daw na ten du sai.

Miwa gaw anhte hpe madi wa lu hkra gaw shi a sut hpaga lam hkra machyi yang she ashun wa na re,ya hkyak hkyak gasat nga ai LIBRA hpe maram yu yang mu mai nga sai. rawt ga Gasat ga,hpadang dip la nyi sai.

Panse Pu