KCNL A Shiga

Nederland du  KCNL Hpung masha ni a Myit n-gun ban la ai,n-gun mawai hpawng, shawng  lam masing jahkrat galaw sa wa na lam hte seng nna kanu mungdan de na du sa gawan ai Sara kaba Ja Gun hte rau Amsterdam Flicovotrak nam pan sum kaba kaw hkum hkum ra ra alum ala, wu wu di di hte yawng gun sa ai malu masha ma mi chyawm sha nna galaw la lu saga ai..

               Shana de mung anhte KCNL hpung hta ra ahkyak dik nga ai hpung masha ni hpe woi sinlum woi gahkyin gumdin na matu hpung woi slg masum hpe hpung masha yawng a man e san htai madi shadaw lam galaw ai hta Sara kaba Ja Gum kaw nna ting nyang up tai ya ai hte shadang Mwi hpu Bawk San Tang shawn ai hpe Slg,J-Maji Pri nan Tau nna Sara Maji Doi ja-Sara Lamung Naw Bawk-Slg,Hpau Yawng Yaw Htung ni hpe, yawng myit hkrum ta sharawt ai hte dang la lu saga ai.

               Sara kaba Ja Gun hku nna mung ya hkyak hkyak ra nga ai makam masham lam myu sha lamyan yawng hpe lam madun n-gun jaw shatsam- shaman- sharin ga hkaw tsun ya sai. anhte KCNL hpung masha ni yawng mung Myu hte mung dan a ra nga ai lam yan yawng hta, KAO/KIA, a woi awn galaw sa wa ai mung masa lam hpyeng masa lam yawng hpe madi shadaw garum n-gun jaw sa wa na hta n-ga,myu sha yawng a  shim lum lu gin ai ahkaw ahkang nlu dingsa  myen gum shem hpyen hpe lu ai chye ai atsam yawng hte masing jahkrat ning hkap sa wa na re hpe yawng myit hkrum ai hte masat galaw tawn sai.


Yawng a malai Sara Maji Doi Ja