Wunpawng a Maka ( II )

Ja lung seng ni grai pru let, mungkan ai mying gumhkawng ai Hpa-kant ngu ai ginra mung ngai Wunpawng a shara hta sha she rai nga ai le. Dai ni Wunpawng sha ni gaw ntawt de, chyasam ni she nhku de shang rai. Hpa-kant hpe madu tai hpya sha nga masai le. Dai hte sha myit ndik, Wunpawng hpe pyi naw bai shamat mayu ai Sa Wa Myen Hpyen wa gaw, ngai Wunpawng hpe gasat shamyit mayu ai hte, gasat nga sai le. Wunpawng sha ni e wa marit, ngai Wunpawng hpe Karai jaw da ai gaw, ngai hte seng ai aru arat hta lai kadai hte mung nseng ai. Wunpawng a aru arat hte sha seng ai. Manam ni madu mayu tim madu lu na nre ai zawn. Madu lu yang pyi Second mi pyi hkam na nre ai. Ngai Wunpawng kam sham ai Htani Htana ahkrung nga ai Yehowa Karai Kasang mung nhkraw nga ai. Shi gaw ngai Wunpawng hte galoi mung rau nga nga ai. Moi ga shaka dingsa prat hta, Isreal ni hpyen n gasat ra ai sha, awng padang lu ai zawn, ngai Wunpawng hpe dip sha mayu ai Myen Hpyen wa hpe mung n gasat ra ai sha dang ai lam ngai hte rau rai nga na hpe kam sham nga ai re. Nkam taw gaw chyam yu marit le, Myen Hpyen wa e. Na a myu pyi nhtang de htum mat na ndai.