Netherlands du W.P. sha ni a shamu shamawt ai lam ni !

KCNL nu wa hpung masha ni hku na 24 June 2011 ( Friday ) shani rau sha, mungkan ting na Jinghpaw W.P. myu sha ni Myen Hpyen wa hpe chyawm ninghkap atsam madun ai lamang hpe galaw mat wa na matu, Police Permission hpe mung lit ang ai, myit su ni a  matut mahkai ai hte dai hpawt Den Haag Police Station kaw sa lu la wa saga ai. Dai majaw anhte KCNL ni yawng ndai lamang hta sa du shang lawm lu hkra shakut ga. Tinang lu ai Jinghpaw Bu Hpun Palawng ni hpe mung n malap ai sha la sa nna bu hpun shang lawm ga. Masha n-gun grai ra ga ai. Police ni hte tsun hkat ai hta mung masha n-gun san wa ai majaw, marai 30 jan na re ai lam hpe tsun da ga ai. Shanhte a tara ni hpe gaw, dai jahpawt hta bai tsun dan hkat ga. Hkying 12:00 tup hta Den Haag Centraal Station kaw hkrum la nna sa wa ga.

N-htoi   :  : 24 June 2011 ( Friday )
Aten     :  : 13:00 - 15:00
Shara   :  : Carnegieplein 2,
                 2517 KJ
                 Den Haag.