Shing ra tara kaw na mung masa

1- Moi jiwoi jiwa ni kaw na gaw gap shachyaw rawng hkrat wa ai,
Anhte rawng shanu hkrat wa ai anhte a dum nta hkrang gaw anhte a
shingra tara dum nta masa anhte a dum nta hpe yu htuk yutsawm wa ai gaw
anhte a mung masa n'gun anhte a masat masa htung hte moi na zawn  prat hte prat gaw gap
jahtuk sa wa ai gaw anhte a ru di nga pra ai anhte a kraw kaw kri dung ai
anhte a mung masa re.anhte a sari re.

2-Anhte myu sha ni yawng a bu hpun sumli ai bu hpun palawng gaw,
anhte a masa hte anhte a htung mawn sumli bu hpun lam gaw anhte myu sha a,
mung masa,prat hte prat manu shadan bu hpun sumli ai hte tsawm dum ai gaw
anhte a sari manu daw dan nlu ai mung masa awng dang lam re.
masha myu ni myit shang sha wa hkra bu hpun lu ai gaw mung masa awng dang na npawt re.

3-Anhte a ka manawt ai htung hking ka hkrang ni gaw anhte a shingra tara re ai zawn
anhte a masa mung kan masha yawng myit shang sha wa hkra ka mayu wa hkra
prat hte prat ban hte ban ka dan lu ai gaw anhte a mung masa.
anhte ka hkrang hpe myit sharawng ai myit shang sha ai, manu shadan ai gaw
grin nga ai anhte myu sha ni a awng dan na mung masa re.

4-Yu ngwi dum sum pyi gaw anhte a masa re zawn shawng lam a awng dang na
n'gun shing nyi rai nga ai,anhte a yu ngwi hpe pyaw dum ai,manu shadan hka ja ai,
dum ai, mahkawn ai gaw,nam chyim sham  hkra myit shang ai gaw anhte myu sha ni a majan awng na
mung masa rai nga ai.dai gaw yu ngwi mung masa re.

5-Myu a laika ka Jiwoi Jiwa ni jahtawng htu jaw ai shing teng amying myu a ga hpe manu shadan
jai lang ga ai,ka ai gaw anhte a shingra htung masa tinang ga ga ai gaw myit hkrum ai masa
mung kan hta grin nga lu na mung masa kum la re hte mung kan masha ni nmai shamat ya lu ai.
labau mung masa re mung masa awng dang na gaw dai madung re.

Anhte lu nga ai htung hking yawng anhte a shingra tara yawng hpe hkan shatup ai gaw
hpyen wa hpe ta tut gasat ai kaba dik ai n'gun re.
hpang jahtum hku tsun mayu ai.
dai ni myu gayau, htung hking kayau,ga gayau ,nga kayau,
makam kayau ai ladat kaba hta anhte myu ni mat mat mai na kun?

[ matsing-dai ni nang hpaji kade chye chye kade jan mau gup tim,dukda makam sha nkalai ding sa,
myen up ai mungdan kaw ning baw ning la masha kaba tai lu na nre ]

Sha lawm,u hka ntai ga.yawng masa hta na mung masa.

Ba Ren Num Raw