Myit N-gut Dik Ai

Kaja sha byin lai mat wa sai mabyin langai mi hpe tsum dam mayu ai.
Lai wa sai 1968 ning ngai shanglawt hpyen la galaw nga ai ten lahta sam mung shara mi hta,
manang wa a hkungran poi e akajawng myen hpyen du shang wa ai majaw,

an hpe mamdum langai mi na htap 2 galaw tawn ai mamdaw langai mi kaw makoi tawn ai
shana ningrim shang wa ai ten,num ningnan gaw an hpe shat jaw na matu shang wa ai kaw myen hpyen la ni shang wa namarai 7 tup nhkring nsa jawm roi ai,malap mat hkra mala la roi rip hkrum ai,an mung ndang sharang ai majaw Gun ai sinat kadun hte,gap na hkyen ga ai tim mara nlu ai mare masha law law si hkrum na du hka hkrum na tsang ai majaw,masin nsi myit n-gut dik let nchye tsun hkra dai ni du hkam sha nga ai.malap nmai nga ai.

Tsaw ra ai chyu rum annau ni,matsan nga ai hpe dang sha,Gawng kya nga ai wa hpe yu kaji yu roi,
Nchye shi nga ai ni hpe maw sha mak sha,mya sha,zingrut htu nga ai gaw tsun nma ka nhtum mu nma rai nga ai gaw,yawng chye nga sai,Na madu jan,Na kajan,Na kasha,Na myu hpe dang sang shaning galu ladat tam masing jahkrat na roi nga ai,

Chyasam hpyen hpe annau ni gara hku bai galaw dan na ta?myen a shangun ma tai nga ai ni,shangun ma tai mayu ai ni,ten naw nga yang shingdu labau hpe myit yu u.Hpa garai nchye shi ai,anhte a saidaw saichyen,hpang na ningbaw ningla tai ya na na kasha ma kaji yawng a matu myit yu u.
Galoi dum tim maroi nni,masin nsi,myit n'gut dik nngai law.hpa hta shatai na ta?

Baren Numraw.