Bungli katsi bung mya mya, numri sai wan mawng pya pya.
Nai mam shu la mangai ten hta, yawng a myi man mani sum.
Sai len n ten hkyeng tsawm la.
Daini hkrum tsup, jinghku yawng hpe
Masawp ahpum, hkap tau hkalum.
Sin hpraw kraw hta htuk htak,
kabu myi prwi she ruk rak.
Tsaw myit salum hkap hpyen dun,
Mani sum sai myi man hkrum.
Hkalum shachyen shaga,
Bawp tau hkalum la nga nngai oi.
Dai daw buga jinghpaw bum na,ajawt hkawm wa W.P. brang ngai.
Pyenli jawn hkawm, mungdan she chyam.
Holland ga du myit she ru.
Pyenli na pru, hkyuk de sun.
Karai hpaw ya chyeju chyinghka, chyip mak raitim nhtoi bai mu.
Karai woi wa hkanan ga wa, lagat jahku nga chyu lwi.
Tsit tsawm tsingdu , yu chyai nma.
Pan tsun pan lawng myu hkum sumhpa.
Hkashi hkanu hti yu n ma.
Chyu ai nbung kraw hta katsi.
Myit hta simsa, goi e ngai hkrai hkam sha.
Yup dat sha dat wam hkawm dat, W.P. brang ngai lau ban sawt sawt.
Bungli nlu lahka lu, a ga karai chyeju shakawn nma.
Dai ni du sa ngai hkau, ngai hkri ,ngai tsa wa mung,
Bank de nawt nawt, euro htuk la, alu ka de dawk.
Bang dat alu, music hpan hkum,
Ting kaling mung ngoi, hpuk hpak mung nga hkra,
Hkam la chyeju nawng jau ya let,
Karai Wa hpe shakawn ga oi.
By: S. Brang Awng
GYU CHYU MAJAN BYIN AI LAM
1 week ago
1 comments:
Tsawra na ga shagawp grai hkrak sai yaw. ya hpang na hpawng hkan mung bai shakrip u yaw.
Post a Comment