Chyeju Dum Poi hte Hkrum Zup Hpawng

NO.(1) lang ngu na Europe du Wunpawng sha ni a hkrum zup hpawng

Ting-yang up                         _                   Sara Yamhpat Maw She
Mungga                                 _                   Rev. Marip La Rip
Hkum Zup Kyu Hpyi                 _                   Saranum Bawk Ja
Gahti Galai                             _                   Saranum Nang Seng

          Shawng nnan lang na Europe du Wungpawng Myusha ni a Chyeju shakawn hpawng hte hkrum zup hpawng hpe ting-yang up Sara Maw She kaw nna hpawng hpaw chyum laika hti let kyu hpyi woi ya sai. Dai hpang Wungpawng NL ningbaw Slg, Zinghang Gam Maw kaw nna mungdan shara shagu nna du sa wa ai myusha ni hte shang lawm chyeju shakawn ai hpung masha ni yawng hpe kabu gara hkap tau hka-lum la ai lam hte shachyen shaga ga tsun ya sai re.

          Dai ngut ai hpang England kaw na du sa shang lawm ai, Slg, Sadan Hkan Hpa Tu kaw nna,shachyen shaga let, Shawng nnan lang na Europe du Wunpawng sha ni hte rau sha chyeju shakawn lu ai sha n-ga hkrum zup lu ai majaw tsun ndang hkra chyeju shakawn kabu ai lam tsun lai wa sai. Myusha ni hta shachyen shaga ai lam gaw ahkyak nga ai hte maren, du sa shang lawm ai Denmark Wunpawng sha ni a shachyen shaga ai lam hpe matut galaw wa sai re.

           Aw Le Le, Jinghpaw Wunpawng Myusha Ni hte Lord I Offer You My Life ngu ai mahkawn ni hpe Shadang Hpung Awng Li tingse dum atsam madun ai kaw sa du shang lawm nawku ai Wunpawng sha ni gaw kabu gara ka manawt let Karai Kasang hpe chyeju shakawn la lu saga ai. Matut nna mung, ga shagawp ninghkring Shadang Lahpai Brang Awg kaw nna ( Wunpawng Brang a Shakawn Nsen ) ngu ai ga baw hte Karai Kasang hpe chyeju shakawn ga shagawp let Karaing Kasang hpe chyeju shakawn sai re. Hkum zup kyu hpyi ai lamang hpe gaw Denmark kaw na Saranum Bawk Ja woi awn let Wunpawng sha ni yawng rawt tsap nna lata dindun let myit mang langai hte sha kyu hpyi sit shang lu ga ai. Dai hpang Denmark ramma ni a Karai Kasang hpe sharawng shara mahkawn shakawn ai hpe mung mu lu ga ai. Karai Kasang hpe ga amyu myu hku mahkawn shakawn ngut ai hpang, Ja Chyum laika hpe gahti galai hti ai hku na England kaw nna du sa ai,Saranum Nang Seng woi awn hti ya sai. N-gup aga hte chyeju dum ai lam tsun yak la ai Wunpawng sha ni a Karai Kasang hpe chyeju dum ai alu ni gaw, Sara Maw She a jinghpaw n hpye ting-san she gabrat hkra shinggin la nga ai ten hta hpawng hpe hkap la shara jaw ai nta madu Shadang Nhkum Sar Ram kaw nna mung (အားက်မခံ)  solo hte Karai hpe mahkawn shakawn ya sai. Shinggin la lu ai Chyeju dum alu hpe Rev. Marip La Rip kyu hpyi ap ya sai re.

           Dai hpang yawng la dingda nga ai Karai a mungga hpe gaw Rev. Marip La Rip kaw nna ( Thanks Giving ) ngu ai ga baw hte htawn shalai ya sai re. Hpawng hpe hpung dim na matu shawa mahkawn( No.340 "Hkauna anhte htai ga ai" ) hpe mahkawn shakawn ngut ai hte anhte a tsawra hkungga ai Hpung-up Sara shaman ya ngut ai hpang Amen htap masum mahkawn let,No( 1 ) lang ngu na Europe du Wunpawng sha ni a Karai Kasang hpe nawku daw jau ai lamang hpe a-ngwi a-pyaw hte sha galaw awngdang la lu sai lam hpe bai tsun shalen dan nngai law.

( Laika:    Sumlut Gun )