Hkying Hkum 24 Hkyu Hpyi na Lam Ni

Netherland Mungdan hta e shanu nga ai Jinghpaw wunpawng myu sha ni a Hkying Hkum 24 Hkyu Hpyi na lam lamang hpe 28.02.2014 shani ( 13:00 ) kaw nna 1.02.2014 ( 13:00 ) kaw du hkra matut manoi hkyu hpyi mat wa na re..

Hkyu Hpyi ra ai lam ni hpe lawu kaw matut hti mat wa ga..Yawng ni shang lawm myit dum hkyu hpyi ga ngu saw lajin dat nngai law...

Prayerpoints Kingdom PrayerNet Amsterdam

January 2014

Chyeju shakawn ai lam ni;

1      Amsterdam kaw e “Shawa Num Gawk” (brothels) 26 pat zing mat wa na re. N dai bungli madu ni gaw Netherlands mung dan kaw na “ the High Court” tara rung du hkra shang tim, bai lu hpaw na matu a hkang n lu mat ai.

2      “Terra des Hommes” ngu ai hpung gaw Ma kaji ni hpe n tara ai hku a dip a rip galaw sha ai lam hpe ninghkap ya ai hpung re. Shan hte a rung gaw Amsterdam kaw hpaw da ma ai. N dai hpung gaw Ma kaji ni hpe online hku nna, webcam hku nna me sex (webcam child sex tourism) hte seng nna n tara ai hku a dip a rip jai lang ai lam hpe ninghkap hpang nga ai re. “UN hte Interpol”  ngu ai hpung kaw na me a ten shagu hta online kaw e sak n hpring shi ai Ma kaji ni hte num la hkum shan kanawn mazum na matu myit shang sha ai masha (pedophiles) 100.000 nga ai nga maram da ma ai. A sak 10 ning sha naw re Philippin num kasha hpe computer model hku n na lang ai, dai zawn re laga sakse lu madun ai lam law law hte “Terra des Hommes” hpung gaw shata lahkawng laman hta Ma kaji ni hte hkum shan kanawn mazum na matu myit shang sha ai masha 1000 hpe tara je yang na matu lu galaw wa sai. N dai shiga hpe “Interpol” hpung de mung lu shalai dat ya sai hte maren, UN hpung a policy rai nga ai (Mung kan ting na mung dan shara shagu hta  Ma kaji ni hpe sex (webcam child sex tourism) het seng nna n tara ai hku jai lang ai gaw mara kaba dik ai tawt lai lam rai nga ai) nga hpe mung chyeju dum ga ai.

3      The Southeast Pastors group (PCC) ngu ai hpung gaw Amsterdam kaw kaba dik htum ai hpung rai nga ai.

-      The Bijlmer ngu ai shara gaw Amsterdam hta number 2 ngu na shimlam nga dik htum ai shara re. Balik (police) ni hte hpung up ni a rau sha lata gin dun let lagu lagut, da mya mya, masha asak hpe jahkrit shama ai lam ni (crimes) n byin hkra up hkang nga ai. N hkru n kaja ai hpung ni mung hka bra mat wa nga ai. Nawku jawng ni mung tara n shang htawt shang wa ai masha ni hpe kawn lajang karum shing tau la na a hkang lu sai.

-      PCC hpung gaw Southeast Amsterdam kaw na “the council authority hte the housing cooperatives” hpung ni hte matut mahkai lu na matu mung galaw la hpang lu sai re.

-      PCC hpung gaw shata masum shagu balik (police) ni hte mung masa lam shamu shamawt nga ai masha ni hte hkrum shaga lu na a hkaw a hkang lu sai.

4      Southeast Inter-church gathering

-      Hpung htawt nawku jawng (migrant churches) ni rai nga ai “the Reformed Church (Dutch and African), EBG (Surinamese) and the Methodist (both Dutch and African)” nawku jawng ni gaw kanu nawku jawng (mainline churches) hte arau sha akyu hpyi ai lamang, nawku ai lamang ni hte hkrumzup zuphpawng kaba galaw na matu lu bawng ban da sai.

5     Nawku jawng ni a lapran, grau n na Stroom, Anglican nawku jawng hte Roman Catholic nawku jawng ni shada da karum shing tau hkat, K.K a magam bungli ni hta arau jawm gun hpai ai lam ni rawt jat galu kaba wa ai majaw, K.K a chyeju hpe shakawn ai. Lai wa sai 28^th Sept, 2013 hta “Art festival” na matu shanhte arau hkrumzup hpawng galaw la lu sai. “Pierre Valkering” ngu ai Roman Catholic Wa Jau gaw nawku jawng ni shada da arau hkrumzup hpung ni kaw na myit mada ai lam nga ai wa re.

Akyu hpyi na lam ni;

1     Nawku jawng ni, hpung up ni hte wenyi lam hta woi awn nga ai ni na matu;

-      K.K a chyoi pra ai Wenyi gaw nawku jawng ni nta shanu nga nna, n hkru n kaja ai lam ni hpe yeng seng kau lu hkra, anhte a myit masin hta mung dai chyoi pra ai wenyi shanu nga nna, K.K a san seng chyoi pra ai lam, Shi a tsawra myit hte Shi hpe hkrit kamyin ai myit tut e rawng nga na matu. Nawku jawng ni mung san seng chyoi pra ai hte galu kaba wa nna, K.K hpe hkrit kamyin ai myit tut e a nga nga u ga.

-      Nawku jawng ni grau n na masha uhpung uhpawng kata hta ngang ngang kang kang gring nga lu hkra myit dum kyu hpyi ga

-      K.K a Amsterdam mare n tsa myit mang yaw shada ai lam ni gaw hpung up ni hte hpung woi ni lapran chye na hkawn hkrang wa lu u ga.

-      Tinang na nawku jawng gaw tinang na hkum shan hte maren rai nga ai lam hpe myit dum wa hkra lu htawng madu wa lu na matu kyu hpyi ga

-      Hpung up hte hpung woi ni mung ‘anhte gaw Amsterdam mare hte maren sha arau rai nga ai’ nga lam hpe myitdum nga na matu kyu hpyi ga.

-      Nawku jawng ni a hpung magam hta ap nawng ai lam ni hte akyu hpyi ap nawng ai lam ni hta Amsterdam mare kaba grau kaja ai lam de kalai shai wa lu na matu myit dum kyu hpyi ga.

-      Amsterdam mare gaw Karai masa lam hta kalang bai jawt jat galu kaba wa na mare re majaw, ahkyet dik ai lam ni mu lu, kalai shai wa lu na matu kyu hpyi ga.

-       Nawku jawng ni mung K.K ra sharawng ai lam hku hkyen lajang sa wa lu na matu kyu hpyi ga.

2

      Amsterdam kaw shanu nga ai ramma ni na matu myit dum kyu hpyi ga. Nawku jawng ni mung ramma ni hpe mung ga hte lam woi madun na, woi zing lum na matu gawng kya wa nga ai. N dai ramma ni wenyi lam hta, Karai masa lam hta rawt jat wa nna, teng man ai makam masham lu la wa na matu kyu hpyi ga.

3     Wan chyi ai nta ni: (kyu hpyi lakying ni)

-          Amsterdam mare galai shai wa na matu sharawng shara n gun mi alu rai kyu hpyi ai ni hpe Karai Kasang gaw lata san da ai. Karai Kasang gaw shing ra tara hta dawn jan ai ngamu ngamai mahkrun lam hku nna matut mahkai galaw na ra ai.

-          Hpung up hpung sara ni hte hpung woi ni, Karai Kasang a nsen hpe na na mara ai hte, shanhte gaw Karai Kasang shamu shamawt ai hku nna lata gindun galaw na mara ai.

-          “Wan Chyi Ai Nta Ni” ngu mying ai hti ndang ai kyu hpyi lakying hpung ni mati zawn Amsterdam chyam hkra majawm rawt wa na mara ai.

4     Lam nmaw ni hte hka hkawng ni lai hkra kyu hpyi na;

-      Nawku hpung shagu gaw ndai mare a lam maw shagu hte hka hkawng ni yawng chyam hkra a matu kyu hpyi myit dum na shing ra lu na mara ai.

-      Ndai kyu hpyi lakying hta myit sharawng shara grai kabu ai the sharawng awng ai, yawshada lam kaja ni hte shang lawm na matu; Karai Kasang a grau htum ai lam ni shi a masha ni a myit, masin salum ni de sit shang na ra ai.

-       Mare a daw shagu 24/7 Karai Kasang hpe madung tawn shakawn shagrau ai Chyum laika hti na mara ai.)     

uMuslim ni a matu kyu hpyi na;

-      Amsterdam kaw na Muslim ni Madu Yesu hte n myit mada ai hkrum gatut wa u ga.

Ndau Shabra ai lam: Amsterdam a maka

-      Karai Kasang a yaw shadaw lam hte madi madun ai Amsterdam a gam maka hte, mai kaja lam de galai shai chye wa u ga! Amsterdam a gam maka gaw anhte a makam masham hpe n gun ja shangun ai sha n-ga, dai gaw Karai Kasang sharawng awng ai lam re ngu chye lu ai.

Amsterdam gaw,

a.       Tsin yam ni a mare, tengman rap ra ai mare hte europe a chyinghka lam re.

b.      Amsterdam gaw Sape ni htawn tsun da ai hte bung ai mare re.

c.       Kaga myu, mungdan ni hpang de sasana dat ai.

d.      Sape ni a sharing shakat ya ai lapran shara hte myi htoi shingran sasana magam ni nga ai.

e.       Htunghking ni the nawku ai akyu hpyi ai lapran shara re.

f.       Ndai gaw udang lam re, si ai kaw nna hkrung ai lam de: