KC-NL

De/
Tsawra hkungga ai,

KCNL hpung masha ni yawng ngwi pyaw hkam kaja ai hte ra ai magam bungli ni hpe mung shakut shaja nga let Karai Kasang kaw na aungdang ai shaman chyeju hkam la lu nga mu ga myit dum kyhpyi, shakram dat nngai law.

Madu Yesu Hkristu shangai sa wa ai X'mas shata mung bai du wa sai hte maren, du wa na 02-Dec-2012 laban na anhte a KCNL a nawku hpawng lamang hpe yawng hkum hkum ra ra sa du shang lawm na matu saw shaga dat mayu nngai law.

Anhte KCNL nawku hpawng hpe masat tawn ai ten hta hkrak tup hpawng hpang lu na matu anhte yawng ( 12:30pm ) hta hpang nhkrat ai, nawku jawng kaw du hkra sa wa na hpe kahtap nna ga saw lajin mayu nngai.

Ndai bat ting-nyang de lit ang ai myit-su ni;

Tingnyang up;                                Jan. Maran Bawk Nu
Mungga;                                        Jan. Maji Pri Nan
Hkumzup kyuhpyi;                          Jan. Hpau Na Seng Mai
Kahti galai woi awn na;                   Jan. Lahtaw Lu
Lu Sha Alu;                                    Slg. Jawkang Naw Aung & Shd. Yamhpat Maw She

Matsing:
Anhte shaning htum wa sai hte maren, du wa na shaning na matu nawku lamang hpe bai lajang sa wa ra sai re majaw 2013 ning hta lusha alu jaw mayu ai hpung shasha ni chyeju hte email hte (shnr) phone hte shana ya marit law.
Lai wa sai shaning hta anhte KCNL hpung masha ni hpe lusha alu jaw ya sai hpung masha ni yawng hpe mung grai chyeju dum ai lam tsun mayu ga ai law. Matut na Karai Kasang kaw na shaman chyeju htam mi hta na htam kaba hkam la lu nga mu ga.
Hkristu a maga hta,
Hpt. Yaw Htung