64th ANNIVERSARY CHIN NATIONAL DAY

64th Anniversary Chin National lamang hpe 18 Feb 2012 shani Utrecht Lunetten hta galaw ai hta, anhte KCNL ni hpe mung saw shaga wa ai majaw, kaji kaba marai 10 jan sa shang lawm da lu saga ai lam masat masa ka mazing da ga ai. Lamang nhpang shi yang 2011 ning December shata hta, anhte a mungdan kaw na, hpyen yen tsin-yam ni hpe alu ja gumhpraw garum la ai hpe chyeju dum laika jaw rai nhtawm, rau sha masat masa sumla gayet la saga ai re. Lamang hta KCNL yawng a malai Myu Sha Committee a ningtau lit-hkam Slg, Jan Lahtaw Lu Mai kaw nna shatsam mungga hte chyeju dum ga hpe tsun wa sai re. Hkang hpu-nau ni a Myu Sha nhtoi hpe grai hkrak ai hte hkum tsup ai hku nna galaw la lu masai re. Lamang a hpung dim hpe gaw, yawng lata gin-dun shing-grup ka manawt ngut ai hpang, hkyen lajang da ai, shat ga-ngau hte hkau-sau ga-ngau ni hpe chyawm sha la rai nna anhte mung tinang ni a dum nta de bai nhtang wa saga ai law.