Myen wa KIA hpe gasat ai hta, Miwa garum na lam !

Tsawra myitrum ni,
           Jinghpaw mung daw hte seng nna, kata kaw soi sam, na nga ai shiga langai hpe mara dat ai. Yawng chyawm hti la ga.

Myen gaw Miwa hte pawng nna Jinghpaw ni hpe gasat na matu Miwa Asuya hku nna myit hkrum lam lu la sai hpe chye lu ai.

Myithkrum lam ni,
 1. Laiza, Jehkawng, Maijayang ni hpe Miwa lata de ap kau na lam
2.  Miwa hku na Myen hpyi shawn ai lam ni hpe myit hkrum ai.
3. Ga jarit jai lang a-kyu ja-shawn na matu,
4.Lak nat garum na matu.

KIO ni hku nna mung Beijing de sa ja-hkrum yang, Yunan Mungdaw Asuya hpe lit jaw sai lam chye lu ai. Yunan Asuya hte matut ja-hkrup na matu Beijing hku nna matsun dat ai. Yunan kaw ja-hkrup tim Mang Shi Asuya hte ja-hkrum na matu matut matsun ai.

Mang Shi Asuya hpe gaw Myen hku na lam a-myu myu hkalem masu zinlum da ai lam chye lu ai. Grau nna gaw ndai majan hpe Mung Masa majan nre, Hpa-ga majan she re, Miwa a Hpa-ga hpe KIO hku na jahten ai re. Dai majaw Jinghpaw ni hpe shamyit kau jang hpa lam hta mung galaw na ahkang nga ai lam Miwa hpe hkalem kau sai lam chye lu ai. 

Beijing hku na mung myit hkrum masu ai lam rai nga ai. Ndai majan a majaw Miwa ni Kani Hpraw Hpaga, hte kaga investment lam hta grai sum mat ai lam nga ai chye lu ai.

Dai re majaw an-hte Jinghpaw ni hpa lu galaw na hpe myit ra ai. Ngai langai hku na gaw, Maigan kaw nga ai Jinghpaw ni yawng Miwa Embassy kaw demonstration galaw yang ram ram tang du na re ngu kam ai. Kata kaw na ni gaw masha ni mu hkra hpa lam hta mung n'lu galaw ai.

Matut nna jawm bawm mat wa ga ( Jinghpaw mungkan hte ). KIO ginjaw de mung bai matut san la nna bungli galaw mat yang grai manu na re ngu Maigan kaw nga ai Jinghpaw ni woi awn na hpe kam kaba let shana dat ga ai.

Amyu Sha Lam Hta!

Myu Tsaw Kasha