1-WP mungdan shang lawt hpyen Dap ningnan gaw gap hpaw hpang sa wa ai ten kaw na,myit mada yaw shatawng shada sa wa ai,ga shaka taw,pan dung tawn da ai hte,maren Gumrawng gumtsa awm dawm shang lawt nlu dingsa gasat na nga ai hte maren Tinang myu sha a ahkaw ahkang Sari sadang hpe makawp maga na adip arip sai chyup nga ai myen gumshem magam hpe Laknak hpa let gasat ai sha nrai yang dai ni laknak nhpai mat sai kaw na gaw Anhte myu sha hpe mayam tai shangun kau sai hte maren sha rai na re.kawng ntu ai sharaw hte bung mat na sha re.
2-Moi kaw na anhte myu sha ni a matu dudaw saihkaw arang bang shakut shaja si hkam lai wa sai ningbaw ningla
share shagan ni hte, du hka jam jau hkrum sha let shakut lai wa sai ni hpe hkungga ai hte
maroi n-ni, masin nsi,malap kau n'mai ai majaw Sai chyup gum shem chyasam wa a n;pu galoi mung n'mai taw na re.
3-Dai ni sim sa lam la ai shani kaw na mungdan anhte myu sha ni a matu jat nna ahkaw ahkang hpa nlu ai
grau nna u nyem roi, u hka hpe u nsawn ai zawn anhte buga rawt jat galu kaba wa ai lam hpa n'nga ai.
4-Htung hking makam masham laili laika lam hta mung, yawng chye ai hte maren adip arip
grau hkrum sha nga ga ai.
Ndai lam hta anhte myu sha ni kade hpaji chye tim,shanhte a makam hpe nkam sham dingsa,
myen myu n'gayau ding sa masha kaba byin na rap ra ai ahkaw ahkang lu mai na nre,
Anhte a manu dan dik ai sali wunli htung hking hte laili laika ni hpe kalang bai ju sha kau sana kun?Myu mat, Ga mat,Htung Hking mat, laili laika shamat,Makam Masham shamat kau sana kun?
5-Dai ni anhte mung shawa myu sha yawng kam hpa dik nga ai,anhte mung shawa myu sha yawng a matu,
Makawp maga sali wunli gun ya ai,ahkaw ahkang hpyi ya nga ai,myu ting a lam woi ning shawng sari sadang
Tai ya nga ai KIO?KIA hkyen dap mung myen npu bai taw mat na rai jang gaw,
Anhte lamu ga, anhte myu sha yawng hpe mayam shatai kau ai she tai mat na re.
Dai majaw WP sha langai sha ngam tim laknak hpai ra ai ngu mu ai.
6-mungdan lu ai a myu Ma Gam a myu,labau nga ai a myu,htung hking lu ai a myu,laili laika lu ai amyu,
Buga nbung,Ga nbung Htung hking nbung,laili laika nbung,nga sat ngasa,malu masha nbung ai,
makam masham nbung ai ni hte Moi kaw na rau n'nga ai zawn ya mung nga mai na kun?
Ndai hta dai ni na makam maskam hpung woi sara ni hpe mung loi tsun mayu ai,
Tinang lu nga ai hpu dik ai Jing hpaw ngu ai shing teng amying hte Teng man ai myu sha lam hta
n'tsap gwi yang gaw hpung sara n'mai galaw sai ngu hpaji jaw mayu ai.
Myu a matu arang bang ai machyi hkam ai Ningbaw ningla tai lu mu ga.
GumRawng Gumtsa Shang Lawt Mung Dan--LU NA--lu na -lu na.
Teng man ai Majan Awng Dang na -Awng Dang na Awng dang na awng dang na.Hpaji jaw dat nngai law. maroi nni,masin n'si.
Baren Numraw
0 comments:
Post a Comment