Shing Ran KaTsi Hkyen Sai.

Tsi lali tsawm htap pyaw ngawn dik ai anhte a Karai jaw ai lamu ga,
U numji numjoi palamla ni ngoi karu pyen pyaw ai dai bu ga
Dusat dumyang ngrau grauchyang shan nga chyahkyi ni hawng garu ai dai bu ga
Dai ni chyasam ni a majaw hkarang panglai byin hkyen mat sai majaw
Anhte a tsawm htap pyaw ai buga,shingran katsi hkyen mat sai,

Katsi majan a majaw hpang na anhte a ningbaw ningla tai na n-gun ja ai wangan ni mung,
nanghpan kani a majaw lupsung lupwa ni hta shingran katsi yup pyaw nga sai.
Dai ni anhte tsaw ra dik ai karai jaw ai sali wunli majing rai nga ai,Ma kaji ni mung
Duhka tsin yam matsan mayan ana zingli hta madai nsen pyi nlu pru hkra shingran katsi wa nga ai.

Myu sha ga shaga ai anhte buga dai ni myu sha ga shaga ai ningsen shingran katsi zim mat hkyen sai hte
myi prwi si pru hkyen tim nmai pru mat sai.Dai ni Hpungwoi Hpung Sara kaba ni,Mung masa ningbaw ningla ni,KIO/KIA-KDA-NDA-K-Du kaba ni,Sut Du ni sak naw hkrung lu ai ten hta shingran grai n'katsi shi yang myit hkrum mang rum ai hte madai ai myu sha ni a,Nsen zim mat hkra jawm shakut ga ngu,labau a lit hpe nhprai ga ngu ga saw dat ai law.

Barennumraw.