Hkawhkam Num Beatrix a shangai Nhtoi

Daini gaw Netherland Mungdan a Hkawhkam Num Beatrix a asak 72 ning hpring ai shangai nhtoi re. Shangai nhtoi poi kaba hpe gaw du wa na april shata 30 ya shani hta shi dum nta masha ni hte Zeeland Mungdaw kaw na Wemeldinge hte Middelburg ngu ai mare kaba hta galaw na rai nga ai.

April 30 ya shani gaw Hkawhkam Num Beatrix a kanu Hkawhkam Num Juliana a shangai nhtoi rai nga ai re. Daini du hkra shi kanu a shangai nhtoi hpe 'Hkawhkam Num nhtoi' nga nna poi kaba hpe dingyang galaw taw nga ai re.

Hkawhkam Num Beatrix gaw daining Hkawhkam Num byin ai 30 ning hpring sai re. Law malawng ngu na Netherland Mungdan masha ni gaw shi hpe shanhte a Hkawhkam Num naw matut galaw taw na hpe ra sharawng ma ai nga nna san sawk sagawn ai lam kaw na chye lu ai. Lama na shi Hkawhkam Num kaw na hkring sa mat ai rai yang shi kasha Willem-Alexander gaw Netherland Mungdan a Hkawhkam bai byin wa na rai nga ai re. Shi kasha Willem-Alexander gaw asak 42 ning rai sai.

Koningin Beatrix is jarig
zondag 31 januari 2010

De koningin van Nederland wordt vandaag 72 jaar. Op 30 april viert Beatrix met haar gezin Koninginnedag in Wemeldinge en Middelburg, in de provincie Zeeland.
Op 30 april was de moeder van Beatrix jarig, koningin Juliana. Nog steeds wordt dan de verjaardag van de koningin gevierd, koninginnedag dus.Koningin Beatrix is dit jaar dertig jaar koningin. De meeste Nederlanders vinden dat Beatrix nog koningin moet blijven, dat is onderzocht. Als ze besluit er mee te stoppen dan neemt haar zoon Willem-Alexander het over. Hij is nu 42 jaar.

NOS shiga kaw na bai mara da ai .