Tsawra ai WPNL manang ni e,
Kabu gara shiga langai shana dat ai law. Karai Kasang gaw anhte WPNL ni hpe tsawra ai majaw shata mi kalang hkrum zup nna nawku daw jau lu na matu Christ Church Amsterdam nawku jawng hpe lang na ahkang jaw ya sai law.
Address hte nawku jawng sumla hpe mung lawu e shagun dat ai law. Amsterdam Central Station kaw nna lam hkawm yang minute 15 dang sha hkawm ra ai lam chye lu ai. Ni dik htum tram station ni gaw Waterlooplein (trams 9, 14 and Sneltram 51),
Muntplein hte Koningsplein/Leidsestraat
(trams 1, 2, 5) ni re ai da.
Nawku jawng kaw nna seng ang ai ni gaw, anhte WPNL ni hpe du na December 25, 2009 Christmas shani kaw nna nawku jawng kaw nawku mai sai lam ahkang jaw ya sai re. 2010 shaning ningnan kaw na gaw shata shagu a shawng na laban shani hta lang na matu ahkang jaw ya sai. Nawku jawng gaw htap masum re ai.
Ground Floor kaw gaw sanctuary re. 1st Flr kaw gaw lounge re. 2nd Flr kaw gaw coffee room re. Anhte gaw dai 2nd Flr kaw nawku hte kanawn mazum galaw na re. Hka wan, gawm, chyaw, ni mung nga ai. Anhte ni lang ngut jang bai kashin da mai ai. Heater rawng ai. Punghkum hte saboi ni nga ai. Shang lawang re. 1 PM daram hkan nna gaw anhte mai lang na sai da.
Alu hku nna gaw kalang lang jang 25 Euro bang mai ai da. Alu dai daram nlu tim, myit hki lit li ai lam nnga ai sha sa du nawku na matu kabu gara ahkang jaw ya sai. Karai chyeju san san rai sai law.
Christ Church Amsterdam
Groenburgwal 42
1011 HW Amsterdam Matut mahkai
Rev. La Rip Marip
Uilenstede 102H 765A
1183 AM, Amstelveen
The Netherlands
Telephone: 0634246296
0 comments:
Post a Comment