Friendship Match

Wunpawng NL ni a First Soccer match :)

               Netherlands du W.P. shadang sha ni hte Hpunau Hkang ni a No.1 lang na kanawn mazum gawdin ginsup ai lam hpe (24-10-2009) ya shani (4:00pm) hta Rotterdam Zuidplein mare kaba kaw Karai Kasang a chyeju gawp e ngwi pyaw awngdang ai hte galaw la lu sai lam chye lu ai.

               Ndai lamang hpe anhte a tsawra hkungga ai Rev: Marip La Rip kaw nna kyuhpyi ap-nawng ya let ginsup ai lam hpe hpang wa sai re. Wunpawng NL gawdin hpung ni gaw Hkang NL gawdin hpung ni hpe 6 - 3 hte ginsup awngdang la lu sai lam hpe sa yu n gun jaw ai shawa masha langai kaw nna chye lu ai. Shada kanawn mazum ginsup lamang ngu ai hte maren lahkawng maga na ginsup ninghkring ni gaw ga-li, ga-law ai lam tsep kawp n-nga ai sha ginsup ngut kre la lu sai re.

               Ya galaw lai mat wa sai gawdin ginsup ai lamang gaw Myen Mungdan kaw nna Netherlands Mungdan hta du nga ai myu sha shada da hku hkau ai lam hta rawt jat wa na lam hpe yaw shada let galaw ai re. W.P. NL gawdin hpung gaw kaga hpunau ni hte mung matut nna ginsup sa wa na masing nga ai lam hpe mung na chye lu ai.

W.P. NL gawdin hpung ;

1.  Maran Seng Du               (GoalKeeper)
2.  Dashi Tang Ra                (    Striker   )
3.  Mwihpu Bawk San           (        "       )
4.  Nhkum Sarram               (        "       )
5.  Lahtaw Zau Seng            ( Midfielder  )
6.  Maran Hpung Awng Li     (        "       )
7.  Nhkum Zau Awn Naw      (        "       )
8.  Maran Doi Mai                 (        "       )
9.  Awng Hpung                  ( Defender   )
10.Nangzing Yung Wa          (        "       )
11.Shanghtin Seng Ja           (        "       )


Substitute :
Sumlut Gun Yawng, Zau Gum hpra, Dashi Yaw Htung, Lasham Tang Nau