No.(1) lang na Netherlands du WP myu sha ni a Poidaw lamang hpe 12,September,2009 shani, Shd.Nhkum Sarram a dum nta hte Maran Seng Du a dum nta nnan lu chyeju shakawn dingshawn shang hte hpawn rai nna shani hkying 1-3 pm hta Amsterdam mare kaba hta shanu nga ai Shd. Nhkum Sarram a dum nta hta wu wu di di galaw lai wa sai.
Laiwa sai 3 ning ram kaw na sha, du hpang wa ai WP sha ni, ya dai ni na ten hta yawng marai 36 rai wa sai lam hpe mung chye lu ai. Lam amyu myu yak hkak ai a majaw e Poidaw lamang hpe kalang mi mung nlu galaw lai wa ai, rai-tim ya dai ni kaw nna gaw anhte tsawra hkungga ai Sara Rev.Marip La Rip mung Karai a chyeju hte hpaji hpung jat na matu du sa wa ai a marang e hpung masha marai 32 shang lawm ai shawng n-nan lang na Poidaw lamang hpe galaw la lu sai re. Dai hta n-ga, myu sha ni hpe matut nna makam masham lam hta kanu kawa tai lam madun ya na matu yawng kabu gara hkap tau hkalum la ga ai re.
Ndai lamang hte hpawn WP NL ni galaw sa wa na shawng lam lamang hpe mung bawng ban jahkrup lu sai re. Poidaw lamang hpe gaw shata lahkawng hta kalang mi htap htuk manu ai shara hta galaw na matu dawdan da lu saga ai. Ndai zawn rai zinlum ai lamang ni hpe galaw lu hkra ningpawt kaw na ap nawng nga ai tsawra hkungga ai Sara Yam Hpat Maw She hpe mung anhte yawng chyeju dum nga ga ai law.
Ndai Madu Yesu a shana shat sha poi gaw WP NL ni a labau shang lamang langai mi rai sai hpe mung myit dum chye shangun mayu ai re.
0 comments:
Post a Comment